BTS member, rapper SUGA concert film ‘Agust D Tour D-Day The Movie’ chu tunkar tawp hian India-ah cinema hall-ah an chhuah tan dawn a, Aizawl-ah pawh RemPham’Ly theatre-ah a en theih dawn e.
He concert film-ah hian SUGA’n 2023-ah Agust D hming hmanga tour a neihna te tarlan a ni ang, he film-ah hian SUGA mai bakah BTS member ang Jungkook, RM le Jimin te pawh an inlan.
SUGA Agust D D-Day Tour hi he rapper tan hian a pawimawh hle a, khawvel huapa solo concert tour a neih vawi khatna a ni a, a debut studio album ‘D-Day’ puala a tour niin, April ni 26, 2023-ah New York City-ah tanin, August ni 6, 2023-ah Seoul, South Korea-ah a khar leh chiah a ni.
A concert tour chhung hian Max atanga Halsey, PSY atanga BTS member dang Jungkook, Jimin leh RM thlengin gueat appearance an nei a, khawvel ram hrang hranga fans tan thil chhinchhiah tlak tak a ni ang. He tour-ah hian show 28 a nei hman.
RemPham’Ly theatre chuan hw concert movie hi tun weekend lo awm turah chuan an tichhuak dawn a, fan-te chu he concert movie hi en ngei tura sawmin, “Concert a hmuna en ang mai, screen lian bakah theatre sound, hma lam, sir lam, hnung lam, in chung leh floor ngawr dur dur khawpa han en chu, stageah kan awm ve ta emaw tih mai awl khawpin mood a awm thei,” an ti.
RemPham’Ly theatre-ah ‘SUGA- Agust D Tour D-Day The Movie’
Get real time updates directly on you device, subscribe now.
Prev Post