Rengtekawn leh Builum inkar kawng khar dawn

Kolasib district Rengtekawn leh Builum inkar kawng chu PWD chuan September 7 atang khan a siamtha a, tha zawk leh chak taka hna thawh a nih theih nan siam tuma ruahman chhung, September 16 thleng chu he lai kawng hi khar a ni dawn a, lirthei eng chi mah kal phal a ni lo tih Kolasib SP chuan mipui a hriattir. Thupek zawm lo chu dan hmanga hrem an nih tur thu sawiin, thupek hian tul bik thila police, Fire & Emergency Services, ambulance leh magistrate-te chetvelna erawh a huam lo tih a sawi.