Rihanna-i’n fa neih belh zel tum

Rihanna hian fa pahnih a nei tawh a, a dang pawh a la neih belh zel a rinawm. Interview magazine-in an kawmnaah RiRi chuan, “Pathianin nei tura min tih zat zat a ni mai,” a ti. Rihanna hian ASAP Rocky nen fa pahnih RZA leh Riot Rose an nei tawh a, RZA hi May thla hian kum hnih a tling ve tawh dawn a, Riot Rose hi August thlaah kum a tling ve thung ang.
Grammy pawh pakua dawng tawh Rihanna hian a stylist thin Mel Ottenberg te titi vel chuan fa neih chungchang an sawi zel a. Rihanna chuan, “Pathianin engzat nge nei se min tih chu ka hre lo, mahse, pahnih aia tam chu neih ngei ka duh. Fanu neih ve tawh te pawh a chakawm, mahse, mipa a nih leh pawhin, mipa dang kan nei leh a ni mai,” a ti bawk.