Rod Stewart-a’n AMA Lifetime Achievement Award dawng dawn
Sir Rod Stewart chu 2025 American Music Awards (AMA)-ah lifetime achievement award dawng tura thlan a ni a, award a dawn bakah a perform nghal dawn a, 2004 hnua AMA stage-a a inlan lehna hmasa ber tur a ni.
Kumin AMA perform tur zingah kum upa lam an tam riau a, Stewart pawh hi kum 80 mi a ni tawh a, ani bakah hian kum 50 chunglam perform tur an awm nual a, host leh perform tur J.Lo pawh kum 55 a ni tawh a, Gwen Stefani pawh kum 55 mi niin, ICON Award dawng tur leh perform nghal tur Janet Jackson pawh kum 59 a ni tawh a, performer Gloria Estefan pawh kum 67 mi a ni tawh. Hetihrual hian perform tur dang Benson Boone, 22; Reneé Rapp, 25; Lainey Wilson, 33 leh Blake Shelton, 48 te pawh an awm tho e.
Stewart hian 1989 khan Anita Baker, Debbie Gibson leh Kenny Rogers te nen AMA hi an lo host-ho tawh a, lifetime achievement award leh a tlukpui award dang pawh a lo dawng nual tawh a, Brit Award for Outstanding Contribution to Music (1993), Legend Award from the World Music Awards (1993), Ivor Novello Awards Lifetime Achievement Award (1999) te pawh a dawng tawh a, 2006 khan UK Music Hall of Fame-ah lak luh niin, 2011 khan ASCAP Founders Award a dawng tawh a, Rock and Roll Hall of Fame-ah tum hnih lak luh a ni tawh a, 1994 khan solo artist anga lutin, 2012-ah Faces angin a lut leh bawk.
Stewart hian Billboard Hot 100 (singles) chart-a No.1 kai thei hla pali leh Billboard 200 (albums) chart-a No.1 kai thei album pali a nei tawh bawk.
Rod Stewart-a’n AMA Lifetime Achievement Award dawng dawn
Get real time updates directly on you device, subscribe now.
Prev Post
Next Post