Ronaldo team lakah Messi team tlawm

Ningani zan khan Saudi Arabia ramah Cristiano Ronaldo khelhna Al-Nassr leh Lionel Messi club vawn lai Inter Miami chuan friendly match an khel a, siruk faiin Arab team an chak.
He match-ah hian hliam avangin Portu-guese a inlan thei lo a, Argentine pawhin a tir atangin bul a tan lo a, minute sarih chauh awm tawha Miami captain Messi khelmual luh lai hian Al-Nassr chuan 6-0-in hma an hruai hman tawh a ni.
Mualneitu team hian tan atanga minute 12 an khelh tlinah sithum faiin hma an hruai hman a; Manchester City defen-der hlui Aymeric La-porte chuan free-kick atanga goal khungin, Brazilian Talisca pawhin Saudi Pro League tan hat-trick a siam a; Ota-vio chu goal hmahruai khungtu niin, Moha-mmed Maran pawhin goal khat a thawh ve bawk a; Miami goal-keeper Drake Calender tan mangchhia a ni ber!