Rubber Board hmalakna zirchiang

Chief minister Lalduhoma thurawn angin Land Resources, Soil & Water Conservation department chuan rubber chingtute hamthatna awm thei dap chhuak a, Mizorama Rubber Mission hlawhtling taka kalpui a nih theihnan thil tul zir turin, Rubber Board of India hmunpui Kottayam (Kerala) ah Team of Officers a tir.
Team of Officers hian Thawhtanni khan Rubber Board of India hotu ber, executive director M Vasanthagesan leh a thawhpuite an kawm a. Mizoram tan thil pawimawh, hmalak zui dan tur leh thawh ho zel dan tur an lo sawipui.
Rubber Board of India hnuaiah hian Rubber Research Institute leh National Institute for Rubber Training changtlung tak a awm a, heng institute hi Mizorama rubber chingtute leh thalai, entrepreneurship lama tuite tan tangkai taka hman theih an nih thu an lo hrilh. Rubber chingtuten rubber an hnai dan, a hnai an lakkhawm dan, an sawngbawl zui dan a hmunah an enfiah a. Cluster (zau) a hmalakna chu a that avangin Mizoramah pawh Rubber Producer Society din a, chak taka kalpui tha an ti a ni.
He team hi LRS&WC joint director Rosy Lalmuansangi Hmar chuan hoin LRS&WC under secretary H. Malsawmi, OSD Rubber C Rinsangpuia leh SC ranger Lalthafamkima te an ni.