Russia-in Kyiv drone hmangin bei

Thawhtanni zing lam khan central Kyiv khapuiah siren tihrik niin mi chhuahvah tam lai takin Russian missile leh drone te chuan Kyiv khawpui a kap a.
Ukrainian air force te chuan Russia chuan 11 TU-95 strategic bomber vansangah tirchhuakin chuta tang chuan missile thahnem tak kahchhuah a ni an ti a.
Local authority te chuan northwestern city Lutsk ah bomb in apartment block dengin a tichhe nasa hle tia sawi niin nunna chan leh hliam an awm em tih erawh hriat theih a la ni rih lo.
Russia-in Ukraine a beih hnuah hian Operation Command of Polish armed forces te pawhin inralring turin Polish leh allied aircraft te chu dah nghal an ni tiin an sawi nghal bawk a.
Ukrainians te chuan Russian missile attack an beisei lawksa hrim hrim a, karkalta khan US embassy pawhin Ukrainian Independence Day vuakvetah Russia chuan a beih an rin thu an lo sawi lawk tawh bawk.
Ukraine chuan Moscow beihlet nan long-range drone te a hmang ve thei tawh thung a. February 2022 a Russia in a run hnuah Ukraine chuan Russia a beilet ve thei tawh a ni.
“Kan energy tihchhiat an tumna hian Russia chu nasa takin hlohna a thlen tir dawn a, an infrastructure ten a tuar ang” tiin Andriy Yerman, President Volodymyr Zelensky chief of staff chuan a sawi.
Thawhtanni khan Russia chuan thuang hnihin Ukraine chu drone hmangin a bei bawk tiin Ukraine military te chuan an sawi bawk a.
Kyiv pana kal Russian kahchhuah drone te chu 10 kahhtlak an ni tiin Serhiy Popko, head of Kyiv’s military administration chuan a sawi.