Russia oil phur lawng pahnih tuifinriatah pil

Russia oil phur lawng pahnih tuifinriatah pil
Russia oil tanker pahnih, crew member 29 awmna chu Black Sea-ah chesualin a pil tih thuneituten an sawi.
Russia Southern Transport Prosecutor’s office thuchhuahin a tarlan danin tanker te hi thlipui na takin nuaiin, a chhe zui a, an oil phurhte nen tuiah an pil ta niin a tarlang.
Lawng a chuang zinga pakhat chu a hmunah hian a boral nghal nia sawi a ni a, midangte dinhmun pawh endik nghal niin, tanpuitu tirh nghal a nih thu thuneitute chuan an sawi a, lawng pahnihte hi an pil hma hian thlipuiin a nuai nat em avangin an chhe dun hle nia sawi a ni bawk.
Chhiatna thlen thu a hriat veleh Russia president Vladimir Putin chuan he thil thleng chhuitu tur working group din nghal a nih thu sawiin, deputy prime minister Vitaly Savelyev chuan kaihruaiin, thil thlen dan leh inhnamhnawih dang an awm em tih thlenga chhui a nih tur thu a sawi.
Chhanchhuah hna hi lawng leh helicopter hmanga thawh nghal niin, mi 50 chuang chu tuipuiah tirh nghal an nih thu Moscow chuan a sawi bawk.