Sa pel nia rinhlelh jail-ah dah lut

Chhimtuipui Wildlife Division leh Lunglei Forest Division tangdun chuan September 13 khan an thudawn bawhzuiin sapel nia rinhlelh an man Lalkrawsmawia chu chief judicial magistrate hmaa hruai a nih hnuah Lawngtlai District Jail-a dahluh a ni.
Chhimtuipui Wildlife Division leh Lunglei Forest Division hian Lalkrawsmawia hi Fungkah, Lawngtlai district-a a thlamah nangchingin, a hnen atang hian Sele (Gaur) luruh, Sazuk (Sambar) luruh pathum, Sanghal (wild boar) luruh, silai (SBBL) leh ramsa rep thahnem tak an man. The Wildlife Protection Act 1972 bawhchhiatna a nih angin, Ngengpui Wildlife Sanctuary range officer chuan Court-ah criminal complaint a thehlut a, Lalkrawsmawia hi September 14 khan Lawngtlai CJM hmaa hruai niin, jail-a dah luh a ni.