Sangha dil tanpuina diltu 25 pawm

District Level Committee on Centrally Sponsored Scheme – Pradhan Mantri Matsya Sampada Yojana (PMSSY) Saitual chu an chairman, bawrhsap Dr Lalngura Tlau hoin Thawhtanni khan an thukhawm.
PMMSY (CSS) hnuaia kum 2023- 2024 chhunga sangha dil siam tanpuina dil tlingkhawm atangin mi 25 thlan tawhte chu an pawmpui a. Sangha dil siamna hi district chhung atangin dilna 482 a lut a, heta tang hian mi 25 chu pawm a ni. Saitual district tan hectare 5 allotment hmuh niin, mi pakhat zelin hectare 0.2 (sq.m. 2000) assistance an dawng thei dawn a ni.
Chairman chuan central scheme hnuaiah mipui tan hamthatna lo thleng thin chu a lawmawm rualin, a nihna ang taka hmang tangkai an tam tawk lo thin erawh pawi a tih thu a sawi a. Tun tuma beneficiary thlante pawh department lamin uluk taka monitoring ti zui tur leh an hmang tangkai tawk em tih chu vil zui turin a chah.