Sava tih hlum chhuichian tum

Sava vang tawh tak Vanga leh Vahrit thi tawh thlalak, social media-a a darh chu Mizoram chhung ami ngei nia hria in Forest department chuan a titute manchhuah tumin police an pun.
Aizawl Wildlife Division deputy conservator of forest Margaret Lalramchhani sawi danin, Vanga leh Vahrit thi tawh thlalak hi Facebook group ‘Hranghlui’ tihah Lalhruaia Sailo tih chuan a post a, he thlalak darha watermark-ah hian Chhakchhuanga Enga tih a chuang a, hei vang hian Mizoram chhung ngei anih rin a ni a, thlalak leh post darh hi screenshot an hmuh a nih avangin thlalak hun leh post hun hriat theih a ni lo tih a sawi.
Aizawl Police Station-ah FIR thehluh an tum a, an thil zawnchhuah duh dan hi Cyber Crime lam chan a nih angin Cyber Crime P/S-ah an forward sak a ni.
Forest hotute sawi danin, Vanga leh Vahrit hi nungcha humhalh bik, scheduled I ve ve an ni a. Tunhnaiah Conservation Mizoram-in ramchhunga sava a zirchianah kumin April 7 khan Vanga Blyth’s Tragopan Tragopan blythii chu Thaltlang khaw ram chhung, Phawngpui National Park nena inrinaah a thla lak fuh a ni a; hei hi Mizoramah Vanga ala awm ngei a ni tih kum