Sawrkar department-in CSS hnuaia thawkte banah a vau

Sawrkar laka thil phut neia lungawi lo mek CSS hnuaia thawktute chu an hna an zawm loh chuan ban an nih tur thu hrilh an ni.
Rural Development & Administration department chuan 2025 September 11 khan an hnuaia thawk mi 38 tan hriattirna tichhuakin, September 1-15 chhung leave lak loh tura thu 2025 September 8-a hriattirna tihchhuah chu zawm loin, MGNERGA hnuaia contractual employee ho chu September 9-11 inkar an hna an kal lo tih hriat a ni tih a sawi a. Hei hi department chuan a ngai thutak hle a, September 12 atang chuan hna zawm ngei ngei turin a hriattir a, zawm lo chu an contract atanga chawlhtir an nih tur thu hriattir an ni.
He hriattirna hi 2025 September 11-a chief secretary atanga tawngkaa thu an dawn atanga tihchhuah a ni tih a sawi bawk.
The Aizawl Post thudawn danin, department thenkhatah pawh hetiang deuh hian hriattirna pek tum mek nia sawi a ni.
All Mizoram CSS Employee Coordination Committee chuan sawrkara thil phut neiin September 9-11 chhung khan mass casual leave an la a, awmzia a neih loh avangin September 16 atang hian sit-in demonstration neih an tum mek a ni.