Sawrkar tha neih nan TKP chawngheia tawngtai tum

Mizoram Baptist Kohhran thalai rorel vawi 70-na chu Ningani khan neih a ni a. An thurel zingah sawrkar tha neih a nih theih nan Pathianni tlai vawikhat chawnghei tawngtai neih an rel.
Mizoram Thalai Kristian Pawl rorel inkhawma thu pawm dang chu – Kristian chhungkaw din chungchang inzirtir, hriselna chungchanga thalaiten hma an sawn theih nana hma lak, TKP member tinin Christian Hospital Lawngtlai Operation Theatre light leh adjustable table lei nan Rs.20 theuh thawh, MTKP Youth Centre pualin Unit tin vawikhat fehchhuah, TKP Platinum Jubilee (2026) lawm tih te pawh a tel a ni.