Jawaharlal Nehru University chu India rama university tha berah London-a inbun higher education analytic firm Quacquarelli Symonds (QS) te chuan zirchianna an neih hnuah an puang a. JNU chu developmental studies lamah khawvelah 20-na a ni bawk.
IIM-Ahmedabad chu business and management lamah khawvel uapah 25-na a ni a. IIM-Banglaore leh IIM-Calcutta te chu top 50 ah an lang QS tena World University Ranking by Subject an tihchhuahah tarlan a ni.
Dentistry lamah Saveetha Institute of Medical and Technical Sciences, Chennai chu 24-na a ni bawk.
Kumin QS World University Ranking by Subject-ah hian India chuan hmasawnna a hmu a, Citations per Paper indicator ah 20% in hmasawnna a hmu a ni.
International Research Network indicator ah pawh 16% in hma a sawn bawk a. Hei hi research partnership hrang hrang tehna a ni.
Mahse research productivity leh a nghawng lam tehna H Index-ah chuan 5% in a tlahniam thung.
QS chuan India chu khawvela research centres lain chak ber pakhat tiin a sawi a. Kum 2017 atanga 2022 chhungin research output 54% a pung hman niin Scopus/Elsevier, QS’ bibliometric and research affiliate data chuan a tarlang bawk a. A sanna hi global average aiin a let hnih mai piah lamah Khawthlang ram te ai pawhin a sang zawk a ni.
“Volume lamah India chuan research producer lian ber palina a ni tawh a, tehna siam chhungin 1.3 million academic paper tichhuakin 4.5 million pechhuaktu China, 4.4 million pechhuak tu United States te bakah 1.4 million pechhuak tu United Kingdom te chauh a pha lo” tiin Ben Sowter, Qs’s senior vice-president chuan a sawi.
“Tun anga thil a kal a nih chuan India chuan research productivity lamah United Kingdom chu a khum mai dawn a. Mahse, research impact citation count a tehah erawh India chu 2017-2022 chhungin pakuana a ni chauh thung a. High quality, impactful research leh dissemination te chu Indian academic community te hmachhawp a ni” tiin Sowter chuan a sawi bawk.
Citation lamah premier global journal lamah citation a la hmu tha lo thung a. Kum 2017-2022 inkar chhungin India research 15% chauh chu top-tier journal-ah cited in a awm a. Chutih lai chuan a elpui ber ber United Kingdom leh Germany te citation percentage chu 38% leh 33% a ni thung.
Sowter chuan, “Research standard tihsan lamah harsatna tawk mah se khawvela school kal lai ngah ber, economy thang chak, labour market tha bawk si leh hna zawng tamna hmun hian global competitiveness ah dinhmun tha a chang tho a, India chu international academic community-ah pawi mawh ber zinga mi a ni,” tiin a sawi bawk.
2024 QS World University Rankings by Subject hmang hian individual university programmes 16,400 chuang performance an khaikhin a, hei bakah hian ram 95v chuanga university zirlai 1,500 chuang leh academic discipline hrang hrng 56 chuang leh broad faculty area panga Arts and Humanities, Engineering and Technology, Life Sciences, Natural Sciences and Social Sciences te chu an thlurbing a ni.
India chu top 200 entry-ah regionally in pangana a ni a, top 100 entry-ah chuan parukna a ni thung. QS te hian subject ranking siam nan tehna pawimawh panga an hmang a ni.
Get real time updates directly on you device, subscribe now.
Prev Post
Next Post