Secondhand kara thuhruk heroin kg 2 chuang man

Secondhand kara thuhruk
heroin kg 2 chuang man
Excise & Narcotics Department chuan August 3 chawhnu dar 3.00 khan Thuampui Veng Helipad-ah heroin kg 2.667 (hawng 220) leh heng heroin phurhna atana hman, TATA YODHA pik up MZ01 X 8688 an man. Heroin neitua puh mi pahnih – Vankhuma (29) Khawmawi Myanmar leh Lalthazuala (29) Thingthelh Kolasib district, tuna Bawngkawn North Aizawla khawsa nia inchhalte pawh man tel an ni.
Heroin hi secondhand bale pahnih kara thuhruk an ni a; Myanmar atanga lak, hmundanga heng mi mante hian tihral an tum laia mansak an ni.
Heroin vanga mante hi ND&PS Act 1985 tlawhchhanin thubuai siamsak an ni a. Thiamloh chantir an nih chuan kum 10 atanga kum 20 thleng jail tan bakah Rs. 1,00,000 atanga Rs. 2,00,000 thleng chawitira hrem theih an ni.