Senegal-ah kum 44 mi president

Kum khat kalta kha chuan tu khawkha rhiat a ni lo va, tunah erawh president a ni dawn ta.
Bassirou Diomaye Faye chu Senegalese politics ah mak leh rang tak maiin dinhmun sang a chelh chho nghal zut a.
Lung in-ah a thawhpui kingmaker Ousmane Sonko nena khung niin presidential election hma kar lawkah chuhah zalen an ni a.
Tunah erawh Mr Clean tia hminglem phuahsak chuan reform a tiam te chu a taka a kalpui a ngai dawn ta a ni.
Kum 44 a upa chauh niin ‘dan ang thlapa thilti’ leh ‘inngaitlawm’ taka lar niin Faye hi Nfiaganio thingtlang a seilian niin Pathianni tinin an khuaa hnathawk tura haw thin a ni.
Thingtlang nunphung chu nuam tiin a zah hle bawk a, chu tak chu Senegal elite te leh establishment politics a rinloh em em nachhan a ni bawka sawi a ni.
“Minister la ni ngai lo a ni a, hruaitu nihna la nei ngai lo a ni a, tawnhriat a la nei tlem em em a ni” tiin analyst Alioune Tine chuan a sawi.
“Mahse, Faye thlir dan chuan politician ho kum 1960 atanga an ram enkawl tawhtute chuan chhiatna bak an thlen lo a ti ve thung” tiin a sawi bawk.
Retheihna, diklo taka thiltih leh eirukna nuaibote chu Faye agenda ber te an ni a. Sonko nen inbumna leh eirukna nuaibo a nih theih nan union task force an din bawk.
Gas, oil, fishing leh defence deals te chu Senegalese mipuite hamthat nana kalpui bur tur tih chu Faye thlirdan a ni.
Sovereignty bungthar tiamin Senegal president-elect chuan sawisel hlawh CFA franc currency chu a hnawl tur thu sawiin CFA franc currency hi colonial power hlui France in a thlawp a ni a.
Faye chuan Senegalese pawisa thar emaw regional West African currency siama thlak a duh a, mahse, thil awlai a ni dawn lo thung.
“Budget nihna dik tak nen a hmachhawn a ngai dawn a. Mahse, a ambition a sang hle in ka hria” tiin Prime Minister hlui Aminate Toure chuan a sawi. Heng bakah hian judicial independence leh Senegal thalaite tana hna tautet siam chu Faye an a ngaih pawimawh em em a ni bawk a, chu tak chu President Sall pawhin Faye langsar taka a thlawp phahna a ni bawk, tiin Toure chuan a sawi.
Faye hi President hlui Abdoulaye Wade pawhin inthlan hma ni hnih lek a la awm tihin a thlawp thu a puang bawk a. Chungte chu inthlan hma thla 11 lai lung in tang Faye tan chuan thlawpna duhawm a ni tlat a ni.
Bassirou Diomaye Faye chu February thla khan ‘Plan B’ candidate tura puan a ni a, charismatic opposition firebrand Ousmane Sonko aia thlan a ni a. “Keimah aiin integrity a nei tha zawk” tiin Sonko chuan a sawi hial.
An pahnihin Pastef party dintu an ni a, tac collector hlui an ni ve ve bawk a, an pahnihin nikum khan lung inah politics thil tia an sawia khungin an awm ve ve bawk.
Sonko chu thubuai pahnihah thiamloh chantir a nih avangin inthlana chuh thei lova siam a ni a, chu tah tak chuan Faye chu a lo penchhuak ta a ni.
“Bassirou hi keimah a ni” tiin Sonko chuan tun hnaia rally a neihnaah a sawi a. “Pawisa thir lehlam lehlam ang an ni” tiin Pastef thawhpui Moustapha Saree chuan a sawi.
Tun hma chuan Faye chuan politics luh tumna a nei ngai lo. Kum 2019 a an kawmnaah pawh ‘politics luhchilh ka la ngaihtuah chhin ngai lo’ tiin a sawi.
Faye a hero pakhat chu Senegalese historian Cheikh Anta Diop, Afrocentralism duhtu leh pan-Africanism tan left-wing cheerleaders nia ngaih chu a ni.