September-ah Handholding Policy khuhhawn hman tum

Mizoram sawrkar flagship programme – Handholding Scheme chu thla leh, September hian khuhhawn tum a ni.
Mizoram State Policy Coordination Committee chu an chairman, chief minister Lalduhoma kaihhruaiin Nilaini khan an thukhawm a. Handholding Scheme hi kumin September hian hawn theih an tum a. A dil duhte tan dilna hun hawn zui nghal tum a ni.
Thlai thar lei tur chungchanga hmalakna pawh an thlirhoa, aieng processing unit leh hmunphiah processing chungchanga rawtna awmte, hmunphiah dahkhawmna tur (warehouse) a hma lak mek dan pawh sawi a ni.
Thutkhawmah hian Forest minister Lalthansanga, Agriculture minister PC Vanlalruata, Horticulture minister Prof. Lalnilawma, Industries minister F Rodingliana, adviser to chief minister Dr KC Lalmalsawmzauva leh official-te an tel a ni.