Serchhip bawrhsap-in a hun hnuhnung hmang

Serchhip district bawrhsap Nazuk Kumar chuan July 27 khan he hmuna a awm chhunga a hun hnuhnung a hmang a. Aizawl district bawrhsap-in a awm zui ang.
Ningani khan Serchhip Kawnpui Village Council Hall sak thar chu Nazuk Kumar hian a hawng a. Serchhip bawrhsap anga programme a hman hnuhnun ber a nih tawh tur thu sawiin, Serchhipa a awm chhunga duhsakna a dawn zawng zawngah lawmthu a sawi a. A awm chhungin mipuiin chhungkua ang maia an en thu leh, duhsakna leh chawimawina tam tak a dawn thu a sawi. Bawrhsap anga a awmna hmasa berah Serchhip bawrhsap a ni thei chu vannei a intih thu sawiin, hun lokal zel turah pawh Serchhip district tana tih theih a neih phawt chuan theihtawp chhuah zel a tum thu a sawi a ni.
Serchhip Kawnpui VC Hall thar hawn tak chu, sawrkar sum piahlamah khawtlang mipuiin phal taka an sum leh pai, an tha leh zung senga an din a ni, tiin, a lawmpui tih a sawi a ni.
Hall hawn tak hi cheng nuai 61.46 senga sak a ni a. A senso hi sawrkar atanga hmuh a nih bakah khawtlang mipui sum leh pai thawhkhawm thahnem tak a tel a ni. A sak hna hi Serchhip Kawnpui VC-in an thawk a. Sak hun chhung hian kum 4 vel a awh. Conference Hall, Anganwadi Centre, YMA Libary cum meeting hall, election booth turte dah a ni.