Seven Wonders of the World tlawh chhuak rang thei record siam

Seven Wonders of the World tlawh chhuak rang thei record siam
Guinness World Records chuan Indian traveller Sujoy Kumar Mitra chu khawvela thilmak leh ropui pasarih (seven wonders of the world) tlawh chhuak rang thei berah a puang a, Sujoy hian ni 5 leh darkar 17 leh minute 28 chhungin heng thil mak leh ropui pasarih te hi a tlawh chhuak vek hman.
Sujoy hian a expedition hi September ni 2 khan tanin, Petra, Jordan atangin an thawk chhuak a, September ni 8-ah a zinkawng a zawh chhuak hman a ni. Hetianga khawpa ranga hmun inkar hlat tak taka thil awm tlawh chhuak tur hian zin kawng ruahman thiam a ngai hle a ni.
Guinness World Record siam tur hian a zinkawngah hian private lirthei hman phal a ni lo a, ticket lak ngai chi vek hman tur a ni a, an thlen chin apiangah a kal ngei tih finfiahna proof tha tawk a neih vek a ngai a, video recording leh witness signature a lak vek a ngai bawk.
2000 khan Swiss foundation chuan New Seven Wonders of the World tlanna an buatsaih a, original Seven Wonders of the World chu BCE kum zabi 2 laia ami tawh kha niin, khawvel hmun hrang hranga mipui maktaduai 100 chuangin internet-ah vote an thlak a, final result chu 2007-ah an puang ta a ni.
He list thara Seven Wonders of the World chu Great Wall of China, Chichen Itza (Mexico), Petra (Jordan), Machu Picchu (Peru), Christ the Redeemer (Rio de Janeiro), Colosseum (Rome), Taj Mahal (Agra, India) te an ni.