Shawn Michales-a’n rapper Drake leh Kendrick Lamer te ‘WWE NXT’-a ‘insawi fel’ turin a sawm

Tunlai chu rapper lar leh huhang nei lian pahnih Drake leh Kendrick Lamar te inkar a chhe zual a, hla thu hmangin a inkap tawn deuh reng a, tunah phei chuan an inkar hi a personal sawt tawh khawp mai.
Lamar hian hla thar ‘Not Like Us’-ah wrestler Shawn Michaels finishing move rawn la chhuakin, Drake hmaia kick deuh siah anga intehkhinin, “Sweet Chin Music, and I Won’t pass the aux,” tiin a rawn rap a.
Kendrick Lamar-a’n Future leh Metro Boomin te a thawhpuina hla ‘Like That’-a Drake a kah zauh atang khan tun thla khat vel chhung chu Drake leh Lamar te hi engtin nge rap hmanga an inchhan dawn tihin ngaihven a hlawh thei hle, pakhatin a rawn tizauh a, pakhatin rei rial lovin a rawn chhang ve nghal zat zel bawk a. Shawn Michaels pawhin heng rapper palian pahnih te inchhang tawn vel hi a lo bengkhawn ve hle a, Michaels hian ‘X’-ah heng rapper pahnih te hi an inkar boruak chu WWE NXT-a chingfel turin a sawm ta a ni.