Si sarih faia chak Barca!

Inrinni khan Barcelona chuan boss thar Hansi Flick hnuaiah season thar bul an \an fuh chhunzawm zel a, Olympic Stadium-ah 7-0 tehrenga an mikhual Real Valladolid sawp chungin La Liga table-a an hmahruaina an sawhnghet.
He inkhelah hian Brazilian Raphinha chuan goal thum khungin a career-a hat-trick a siam vawikhatna a ni a, Leeds winger hlui hian assist vawihnih a nei tel.
Robert Lewandowski, defender Jules Kounde, lei thar Dani Olmo leh Ferran Torres-te’n goal khat \heuh an thawh.
La Liga top-scorer race \an chhoh takah goal thum nei tawh Raphinha hian pahnihna luah chhoin, hmahruaitu Lewandowski lakah goal khatin a la hniam.
Barca hi Spanish top flight match li khelh tawha la chak vek awmchhun niin, point 12 rut chungin kan hma international break thleng hian standing-ah hma an hruai dawn a; he thu buatsaih lai thleng hian pahnihna Villarreal lakah point ngain an sang a, champion lai leh palina luahtu ni mek Real Madrid nen phei chuan point sarih ngawtin an sang tawh!