Sierra Leone ah curfew puang

Ralthuam keng tena lung in luhchilha lung in tang te an chhuah vangin Sierra Leone ram pum chu curfew a ni.
Lung in tang thahnem tak te chu chhuah zalenin an awm a ni, tiin West African ram information minister chuan a sawi a.
President Juluis Maada Bio pawhin heng lung in tang chhuahnaa hruaitu tam ber te chu manin an awm tawh a ti bawk a. Thil thleng chu security lam hlawhchhamna leh democracy beihna a ni tiin a sawi bawk.
Boruak an thunun thu sawiin mahse kimchang takin lung in tang te chhuah tute chu a sawi lo thung a. Sorkar paihthlak tuma chetlakna a nih leh nih loh pawh a sawi lo bawk.
Kumin June thla atang khan Sierra Leone politics a buai hle a, President Bio chu thlantlin nawn hlimhlawl a ni a.
International observer te chuan inthlan result chhiarah thil fello a awm an ti a, chumai bakah tharumthawhna leh invauna a nasa an ti bawk a ni.
Sierra Leone ah fimkhur thilah ram pum curfew puan nghal niin thuneitute chuan mipuite chu pawnchhuak lo turin an ti a, international airport te pawh khar zui nghal a ni bawk a.
Freetown khawpuiah sipai an tam hle a, lung in tang engzah chiah nge chhuah an nih a hriat theihloh a, thahnem tawk tak an ni a sawi niin rapper lar tak rukruk avanga lung in tang Boss LAJ pawh chhuah zingah a tel nia sawi a ni.
Kumin August thla khan president paihthlak tuma hmala tiin sipai thehnem tak manin an lo awm tawh bawk a. Africa bikah West leh Central Africa ah sorkar paihthlak a hluar hle a, ram pariat laiah sorkar paihthlak tawh niin sipai ten thuneihna an chang mek a ni.