Sikret man

District Anti Tobacco Squad Siaha, Mizoram Police leh Legal Metrology department tangho chuan March 21 khan Siahaah dan loa cigarette zawrh a awm leh awmloh an endik a, khawchhunga sumdawng pali hnen atangin dan phal loh chi foreign cigarette carton 226 an man. Man takte hi V cigarette carton 76 leh Far Star cigarette carton 150 a ni a. Dan loa cigarette zuartute hi ‘The Legal Metrology (Package Commodities) Rules 2011’ tlawhchhanin an chungchang hi Legal Metrology department-in a ngaihtuah dawn a, an thil man hi ni 60 ral hnuah Legal Metrology controller hnenah tihchhiat phalna an dil dawn a ni.