Slice Small Finance Bank: 15th Inter School Basketball chinfel ni!

Mizoram Basketball Association (MBBA) buatsaih Slice Small Finance Bank 15th Inter School Basketball Tournament 2025 chu R. Dengthuama Indoor Stadium, Mualpui Salem vengah vawiin September ni 19, 2025 hian a hmawrbawkna neih a ni dawn – final boruak hi a tang let at at dawn hle tih hi sawi lawk ngam a ni.
Vawiin final-ah hian Middlle School, High School leh Higher Secondary School-te’n final boruak sang zet hi an khel dawn.
Final thlirlawkna
Kum 2024 lam thlir let ila, Mt. Carmel School hian champion nomawi pathum ngawt an chawi thei a, Girls, High School leh Higher Secondary School-ahte an champion thawt!
Kuminah erawh hi chuan thawnthu a dang ta a, Mizoram pumhuapa intihsiakna zawng zawng thlirin he school hian tantu (supporter) a nei tha ber a ni loh pawhin a dawttu chu a ni chiang! Girls team leh HSS team te hian result tha hawn thei tak maw?
High School bikah hian nikum lama finalist pahnih St. Joseph leh Mt. Carmel hmel hmuh tur an awm ta lo a, kuminah hian lal thar a piang dawn e.
Home Missions hian Living Water hi an paltlang a, middle school huang lama an champion bawk chuan he school hlun tak hian champion nomawi pahnih an hum haw ang.
Amaherawhchu, Living Water lam hi team zuamawm an nih bik miau loh avangin he school hian an principal office-ah champion trophy tar lan vah hi an tum nghet burin a rinawm.
Supporter nei tha zawk tan kawng a awlsam zawk dawn miau avangin he school pahnih hi an rawn thawkchhuak huk dawn sa.
Middle School lamah hian champion lai Graceland tan an nomawi hi thlauh an tum lo bur ang, he school hian a zawna vawi thum champion-na (3’ peat) hun duhawm an neih hi thapui chhuahin hlenchhuah an tum ngeiin a rinawm a, mahse, Hoops Mania lamin kum 2019 thlenga a thlirletnaa vawi khat mah middle school intihsiakna huanga final la lut ngai lo Home Missions lam hi kumin chu champion thuam nen an rawn thawkchhuak tlat – a hmuhnawm ang.
‘Girls – yes, girls just wanna have fun’ tih a ni satliah thei ta tlat lo, an sikul hmingthatna record an kutah a awm a, tunhnaia Mizoram pumhuapa basketball hmanga sikul intihsiaknaa thawm nei lian ber pahnih St. Joseph leh Mt. Carmel in-ep tur hi ‘Dream Final’ a nih loh pawhin a teuh ngawt tal ang.
MWBA lama an hruaitute thlengin player-te hi an lo chhinchhiah leh chat chatin a rinawm.
He school pahnih hi chuan tum an nei – chak leh champion!
Vawiin final-ah hian Middlle School,
High School leh Higher Secondary School-te’n
final boruak sang zet hi an khel dawn

1. Graceland vs Home Missions (Middle School)
2. St. Joseph vs Mt. Carmel (Girls)
3. Home Missions vs Living Water (HS)
4. St. Joseph HSS vs Mt. Carmel School (HSS)