Social Media khawih thei kum bithliah duh

Karnataka High Court chuan zu in thei phal chin kum bithliah a ni ang bawkin social media khawih thei kum bithliah siam ni se tiin a sawi.
Division bench of Justices G Narendar leh Vijaykumar A Patil te chuan he thu hi X Corp (formerly Twitter) tena June 30 a Ministry of Electronics and Information Technology (MeiTY) in thupek a chhuah a khinnaa ngaihtuahnaah a sawi a ni a.
MeiTY chuan Section 69A of the Information Technology Act hmangin February 2, 2021 leh February 28, 2022 inkar chhung khan 10 Government Orders tichhuakin chutah chuan 1,474 accounts, 175 Tweets, 256 URLs leh hashtag pakhat te chu nuaibo turin a ti a. He thupek hi Twitter chuan a khing zui a ni.
“Social media hi khap ula, thil tha tam tak a awm zawk ang. School naupang ten an atchilh lutuk tawh a, hei vang hian Excise rules ang bawkin age limit siam a ngaiin ka hria” tiin Justice G Narendar chuan a sawi.
Court chuan “naupangte chu kum 17 emaw 18 pawh an ni mai thei a. Mahse, ram tana tha ber tur thliar hrang thei turin an puitling tawk em? Social media mai chauh ni lo, Internet thil te pawh hi nuaibo tur a ni a, rilru a tichhia a ni. Sorkar chuan social media hmang thei kum bithliah siam dan ngaihtuah se” tiin a sawi zui a ni.
Court chuan X corp te chu Rs 50 lakh chawi turin a ti a. X Corp’s counsel chuan MeiTY te chuan user an tweet block tura tih te chu company-in an dang tih a hrilh lo va, an account pawh hrilh hriatna a nei lo a ti.
High Court chuan sorkar chu “Thupek in tihchhuah loh chuan thupek an puanchhuah a tulna a awm lo va. Engtiangin nge amah a inchhan theih ang?” a ti bawk.
High court chuan sorkar chuan dan a siam danglam a ngai tia sawiin sorkar thupek avangin X Corp te chuan user-te account an dangchat a nia, company te chu che thei lovin an siam zui ngawt thei lo a ti bawk.
Mahse court chuan, “National security kaihhnawihah chuan tute pawh tan tlan a ngai” a ti thung a. Company counsel-in MeiTY te hnenah an thupek an zawm theih leh theih loh tur te an hrilh hriat thu a sawi hnuah bench chuan X corp te chu judge an ni ngawt thei lo tiin a chhang thung a ni.
Court chuan X corp-te chuan content ah judge nih theihna an nei lo va. Content berin Apple ni tina ei vangin doctor mamawh a ni lo thei a ti a nih chuan chu chu doctor sawina leh ram tan a ni in ti mai tur a ni’ tiin a sawi zui bawk a. Court chuan thutlukna erawh a la siam lo thung.