Somalia ramin climate change tuar nasa

Somalia ram chuan climate change an tuar nasa hle a, an ram chu retheihna lipuiah a lut tan mek niin an sawi. He climate change hian khawkheng nasa tak a thlen a, nunphung a buai chho nitin zel bawk.
Somalia ram hian kum 30 hnua climate change an tawrh nasa hun an tawng mek a, Somali prime minister Yet Abdihakim Ainte chuan, “Hun duhawm lo tak a ni – zep thu a cheng lo!” a ti hial.
He climate change vang hian loneitute an buai zual hle a, tui a harsa bawk a, an ram economy chuan hun thim lam a pan mek nia sawi niin, an ranvulhte mai bakah ramsa ho thlengin khawkheng nasa vanga nunna chan hlauhawmah an ding chho mek zel nia sawi a ni.
Somalia ram hi sanghawngsei leh kel vulh nasa an ni a, heng an ranvulhte hian ei leh in tur an nei lo chho zel a, mihring tan nunna tura beih tel a ngaih miau avangin hun thim tak an hmachhawn chhoh thu an ram hruaitute chuan an sawi bawk.