Sorkar sawisel vangin ban

Mizoram sorkarin ring takin Mizoram State Project Monitoring Committee (MSPMC) a din a, June thlaah an secretary chawlhtir a ni. Session-ah secretary ban chhan hi chief minister-in a sawi a, social media-ah sorkar a sawisel thin vanga ban a ni tih a sawi.
Nilaini khan ziaka chhan chi zawhna, Hachhek bialtu Robert Romawia Royte zawhna chhangin chief minister Lalduhoma chuan, “Er Vanlalruata Sailo hian social media-ah amah ruaitu sorkar sawiselna a post thin avangin chawlhtir a ni,” a ti.
MSPMC hi kumin January 22-a din a ni a, secretary atana ruat hi Er Vanlalruata Sailo, social media lama Ruata Sailo tih hming pu-a thu ziak thin a ni.
June ni 14 khan sorkarin secretary thar ruatna notification a chuah a, Ruata Sailo chu a chawl ta a ni. June ni 18-ah secretary tura ruat hnenah charge a hlan.
Ruata Sailo hi chief minister-in David Sailo emaw a ti a, hei hi MSPMC secretary atana ruat a nih chhanah pawh thenkhat chuan an ngai.
“Ka bulah chuan chutiang chu sawi a awm lo a, mahse ka thiante bulah chuan a sawi,” tiin Ruata Sailo hian chief minister-in David Sailo emaw a ti em tih zawhna a lo chhang tawh.