South Korea-ah Opposition chak

South Korea-a liberal opposition party te chuan an ram inthlanpui neihnaah hnehna changin tihian parliament an thunun dawn ta a ni.
Democratic Party (DPK) te chu party tenau dangte nena tang kawpin National Assembly seat 300 awmah 192 lai an la a.
Tun inthlan hi kum thum lai hun la nei President Yoon Suk Yeol laka referendum anga ngaih a ni a.
An chak loh hnuah party leader Han Dong-hoon chu bang zuiin Prime Minister Han Duck-soo pawhin ban a duh thu a sawi bawk.
Yoon leh People Power Party (PPP) tan chuan hnehna pawi tak niin tun hnaiah DPK te thunun legiglature-ah an agenda a tlang hleithei tawh lo va. DPK tena chakna an chan takah chuan parliament kaltlangin legislation te chak zawkin an kalpui thei tawh dawn a ni.
South Korea electoral system hnuaiah DPK leh PPP te chuan party tenau zawk te chu an hmang tangkai ve ve a ni.
“Hei hi Democratic Party hnehna a ni lo mipuite hnehna ropui zawk a ni” tiin DPK leader Lee Jae-myung chuan a sawi.
“Politians te chuan tun hi economic crisis kan tawh mekah kan chakna zawng zawng hamnga kan tanho hun lai a ni. Democratic Party chuan livelihood crisis chinfel a nih theih nan hma a hruai ang” tiin a sawi.
Tuna hnehna an chan tak hnuah Lee, kum 2022 presidential election a Yoon laka tlemte chauha chak lo chuan president nih a tumna turah kawng thui tak a sialsak dawn a ni.
South Korea-ah food price sang te, population upa zel te leh tuna doctor strike neih mekte chuan Yoon chu pressure nasa tak a pe mek a.
Inflation sang tak karah sawisel a hlawh nasa bawk a. Thla kalta khan Seoul a supermarket a tlawhnaah green onion telkhawm 875 won a zawrh chu ‘a awm ang’ a tih avangin an sawisel nasa hle bawk.
A hnuah green onion te chu loneitu ten DPK election rally neihnaah te lungawilohna lantir nan an hman phah zui a ni.
Yoon nupui Kim Keon Hee pawh luxury bag pek a nih avangin sawisel a hlawh hle bawk a, chumai bakah party senior member te chu thuneihna hmangsualah leh eiruknaa inhnamhnawihah puhin an awm bawk a ni.