State Assembly speaker leh deputy speaker inhmukhawm

State Assembly speaker leh
deputy speaker inhmukhawm
August 24 & 25 chhung khan Delhi Legislative Assembly-ah All India Speakers’ Conference neih a ni a. Mizoram Legislative Assembly aiawhin speaker Lalbiakzama leh deputy speaker Lalfamkima an tel.
Conference-ah hian India rama state tin Legislative Assembly speaker leh deputy speaker an kalkhawm a. Conference motto chu ‘Commemoration of Centenary of Veer Vithalbhai Patel’ tih a ni. India mi, Central Legislative Assembly president /speaker atana thlan (elected) hmasa ber kum 100 tlin lawm a ni a. He hunah hian Vithalbhai Patel postage stamp tlangzarh a ni.
Mizoram Assembly speaker hian thu a sawi a. Vithalbhai Patel ropuina leh ram tan a inpekna thuk zia a sawi. Chutihrualin, state thenkhatin Assembly-a bill an pass-te larsap thenkhatin politic thil avang assent an pe mai thin lo nia sawi chu a vei thu sawiin, “Indian democracy ropuina kan sawi rual hian, democracy hi beihin a awm em ni, tih kan inzawh tlan a tul a. Democracy hi kan humhalh tlat a pawimawh a ni,” a ti.
Union Home minister Amit Shah, Union minister of state for Parliamentary Affairs Kiren Rijiju, Delhi chief minister Rekha Gupta leh India sawrkar hruaitu pawimawh engemawzat an tel a ni.