State atanga UT a hlanthlak awmchhun J&K

Leader of Opposition Rahul Gandhi chuan Srinagar a tlawhnaah India history-ah Statehood laksaka Union territory a chhuahsak pakhat chauh a la awm tiin kum 2019-a Centre thutlukna chungchang a sawi.
Gandhi chuan Nilaini khan Jammu and Kashmir lutin senior Congress leader te bakah National Conference (NC) leader Dr. Farooq Abdullah leh Omar Abdullah te a hmu bawk a. Party pahnihte chuan Jammu and Kashmir Assembly poll neih tur atan seat-sharing arrangement an siam a ni.
Congress party worker-te hmaa thusawina a neihah Rahul Gandhi chuan ‘Jamu and Kashmir mipui aiawh thlan chu thil pawimawh a ni’ a ti a.
“India history ah, Independence hnuah Union Territories (UT) tam tak te chu State-ah hlankaiin a awm tawh a. Mahse, Statehood laksaka UT siam chu pakhat chauh a la awm. Tun hmain a thleng ngai lo bawk,” tiin Gandhi chuan a sawi a.
“Jammu and Kashmir mipuite aiawh hi a pawimawh a, kan tan a pawimawh a, ram tan pawh a pawimawh a ni,” tiin a sawi.
Rajya Sabha LoP leh Congress President Mallikarjun Kharge chuan Rahul Gandhi chuan thisenah J&K zawmna a nei tia sawiin voters te chuan ram humhim nan leh he ram khua leh tuite culture humhim nan vote an thlak a ngai tiin a sawi bawk.
Kum tam tak hnua Jammu and Kashmir Assembly inthlan hmasak ber chu thawh thumin September 18, 25 leh October 1 ah te neih a ni dawn a. Kum 2019 a Article 370 nuaibo a nih hnua J&K a inthlan neih hmasak ber tur a ni bawk.