Stroke pumpelh nan Nitin balhla pum 3 ei rawh

Balhla thatna kan rawn ziak fo tawh a, mithiam te zirchianna thar hi kan rawn tarlang leh e. Nitin balhla pum thum ei la, chu chuan thluaka thisenzam chat/block (stroke) risk a tihniam thei niin British leh Italian mithiam ten an sawi. Mizo te zingah pawh stroke a tam ta hle a, chuvangin balhla ei i uar ang u!
Tukthuan ei paha balhla pakhat ei a, chawchhun-a pakhat ei leh a, zanriaha pum khat dang ei tel leh hian kan taksa tana tha tawk potassium kan la lut a, chu chuan stroke risk hi 21% in a tihniam thei niin an sawi.
Mithiam te chuan stroke tam tak hi potassium tamna dang spinach, nuts, bawnghnute leh sangha ei tam te pawhin a veng thei dawn niin an sawi a, balhla hi potassium tamna a nih avangin a tha berah an ngai a ni.
Mithiam ten zirchianna an neihah chuan nitin potassium 1,600 mg vel kan lak luh hian stroke risk hi a tihniam thei niin an sawi a, balhla pum khatah hian a tlangpui thuin potassium 500mg vel a awm a ni. Balhla hian kan blood pressure pawh a control a, kan taksaa tuiril awm te pawh a ti-balance bawk a ni.
Potassium kan tlakchham chuan lungphu mumal lo (irregular heartbeat), anxiety, ti deuh nghulh leh kawtha lo te pawh a thlen thei bawk a ni.
University of Warwick leh University of Naples a mithiam te chuan, “Potassium pai tam chaw kan ei hnem a, kan chi al ei kan tih tlem bawk chuan kum khatah mi maktaduai chuang nunna chhanhim a ni thei hial ang,” an ti.
He zirchianna chungchang hi Journal of the American College of Cardiology-ah tihchhuah a ni.