Stromae ‘Papaoutai’ in 1B view a kai

French tawng music video zinga YouTube-a vawi tluklehdingawn en hlawh thei pahnihna chu Stromae ‘Papaoutai’ a ni. He Belgian singer music video hi 2013-a a tlangzarh tawh kha niin, tunkar tirah khan YouTube-ah vawi tluklehdingawn en a hlawh ta a ni.
‘Papaoutai’ hi tawngkam pakhat “Papa où t’es” atanga lak niin, “Ka pa khawnge i awm?” tihna a ni a, Stromae music video zinga YouTube-a vawi tluklehdingawn en hlawh thei hmasa ber a ni. Nikum thleng kha chuan he music video hi French tawng music video-a entu ngah ber a ni char char a, mahse, Indila hla ‘Derniere danse’-in a rawn lehthal a, he hla hi French hla music video zinga YouTube-a vawi tluklehdingawn en hlawh thei hmasa ber a ni ta nghe nghe a ni.