Sum harsatnaah thudik lo darh – Chief minister

Finance changtu chief minister Lalduhoma chuan tunhnaia sum harsatna chungchanga thudik tawk lo darh chu pawi a tih thu sawiin, treasury khar a ni lo tih a sawi.
Nilainia ZPM Gen. Hqrs executive thukhawmah chief minister hian, treasury khar a nih loh thu leh sawrkar hmasa atang sum chetvel dan fel lo inkhaidiat chho nghawng avanga sawrkar sum harsatna thlen chhoh dan a sawifiah a. Sum harsatna chingfel tura theihtawp an chhuah mek thu leh zawi zawi a insiamthat chhoh zel theih a beisei thu a sawi.
ZPM Gen. Hqrs executive thukhawm hian party hruaitu thlan hun tur a ngaihtuah a. Inthlan hun atan kumin February 15 a ruat. Thutkhawmah hian chief minister, minister ho leh MLA te nen member 317 an kal a ni. Hun reilote chhunga Pu Lalduhoma kaihhruai Mizoram sawrkar kal dan lungawithlak an tih thu sawiin, an kal zelna turah duhsakna an hlan, tih sawi a ni.