Super Bowl advertisment-a lar zual reng thin chu fizzy drink leh car te a ni a, mahse, tuna commercial (fakna) sawi hlawh ber mai chu Isua chungchang a ni tlat mai – America-a titi siamtu lian ber zinga mi a ni rih mek.
Evangelical website He Gets Us chuan Super Bowl-ah advertisement tihhchhuah nikum atang khan an nei a. Sporting events mai bakah Grammys-ah te pawh an advertisement an tichhuak bawk.
He ads hi danglam tak niin black-and-white thlalak hmangin tun hnaia events an neih te chu tunlai nuna Christian values pawimawhna pholan nan an hmang a ni.
Isua chu ‘cancelled’ influencer alternative mai bakah, inhumhimna, harsa taka hnathawk leh archetypes dangte tana awm reng angin an sawi.
Super Bowl-a commercial hun laia an advertisement chuan ideology hrang hrang awmkhawmna America-ah titi a siam hneh hle.
Alexandria Ocasio-Cortez, left-wign Democratic congresswoman, New York City chuan, “Isua khan Super Bowl advertisment ah dollar maktaduai tel sengin facism tha anga lantir turin chet a lak ka ring lo,” tiin a Tweet zui a.
Chutih laiin Charlie Kirk, founder of the right-wing campus group Turning Point USA chuan adverts chuan ‘liberals te nuamtawlna’ tiin a sawi ve thungin, campaign kalpui chu “Modern era a Christianity tana service pek chhe ber” tia sawiin a titute chu ‘woke tricksters’ tiin a sawi bawk.
A nih leh tute nge chu campaign a sulsutute chu ni a, eng vanga sawisel hlawh em em nge an nih?
He campaign hi Kansas-a inbun non-profit organisation The Signatry tia hriat lar ni bawk Servant Foundation te kalpui a ni.
An website chuan khawi atangin nge fund an hmuh a sawi chiang duh lo va. “He Gets Us kalpui tute zingah hian donors te, anmahni chungchang a nih loh avanga inthup duh te an awm a, engmah credit lak an duh hek lo,” tia tarlan a ni.
Mahse, billionaire David Green, arts and craft chain store Hobby Lobby neitu chuan nikum November thla khan donor zingah a tel thu a sawi thung a. He Gets Us te hian a tira budget an neih pawh $100 million vel lawih a ni.
Green hi conservative Christian values chhawm nun duh zinga tel a ni a. Kum 2014 pawh khan Hobby Lobby hian sakhuana thila contraception leh monring-after pill te a employee health plan a tel duh miah loh a ni bawk a, US Supreme Court pawhin a thlawp thlap a ni bawk.
Jacobin, socialist magazine chuan Servant Foundation te hian Alliance Defending Freedom, anti-LGBT hate Group te hnenah $ 50 million an lo pe tawh tiin a sawi bawk.
-- Advertisement --
Ads ngai thei bau lo te?
Website chuan “Left emaw rights emaw leh political organization an ni lo hrim hrim” tiin a tarlang a.
Mahse left-winger te chuan online campaign an neihna te an tei thei lo hle a. He Gets US te hian sum an nei si a, an sum sen te chu thil pawimawh dangah hmang zawk se tiin an sawisel.
Ads sawiseltu tam takte chuan ads-a Isua family chanchin sawi nan Latin American family-te United States-a lutrute chu an thlurbing an ti bawk a. Commercial tawp khar nan “Isua kha raltlan a ni” tih a ni bawk.
A thente chuan he adverts hi left-wing tena immigration leh diversity thlir dan an neih tihchak sak tumna angah an ngai a.
“Ramri hawn hi biblical-in in hria em ni?” tiin Charlie Kirk conservative campus activist group hruaitu chuan zawhna a siam ve thung.
Tun hnaiah American zingah Kristian tia inchhal chu an tlahniam chak hle a. He Gets US te hian America-a thil thleng lian tham chu remchanga hmangin sum tam tak sengin ads an kalpui ta a ni ber.
“Ads in a tum ber chu commercial lian tham tak tak pahnih hmangin Christianity-a sel nei ten zawhna zawtin Isua chanchin hriat belh an tum thei ang a, hei mai bakah hian Christian ni sate chu an rinna sawhngheta Isuan hmangaihna leh khawngaihna a nunpui anga nung tura an fuihna a ni bawk,” tiin He Gets Us thupuangtu Jason Vanderground chuan a sawi.