SVEEP-a hmalak dan tur rel

SVEEP (Systematic Voters’ Education and Electoral Participation) Core Committee Lunglei chuan an district-a SVEEP hnuaia hmalakna hrang hrang kalpui dan tur relin Ningani khan district election officer Ramdinliani hoin an thukhawm a. SVEEP nodal officer Malsawmhriatzuali’n SVEEP hnuaia hmalakna kalpui tawh leh kalpui mek dan a sawi.
Thutkhawmah hian SVEEP wall painting/ mural painting competition buatsaih dan tur, college zirlaite tan SVEEP poetry reading and elocution competition buatsaih dan tur leh Lunglei Govt College-in April 16 &17-a carnival an hman huna SVEEP activities hrang hrang kalpui dan tur rel a ni.
2023 MLA inthlanpuiah khan district danga an tih ve loh, Lunglei District SVEEP Team hmalakna pakhat, senior citizen-ten an hlut em em a awm a. Kum 80 chin chunglam home voting facility hmang loa, polling station-a vote thlak hram hramte hnenah certificate leh memento (nopui) pek vek an ni a. Kumin Lok Sabha inthlanpuiah pawh hei hi kalpui leh tum a ni tih an sawi.