Tan lam ka nei : Assam CM Sarma

Assam Chief Minister Himanta Biswa Sarma chuan tan lam a neih tur thu sawiin ‘Miya’ Muslims tena Assam ‘an thunun’ a remti dawn lo tiin a sawi.
Sarma hian Assembly a opposition party tena Nagaon a kum 14 mi lek hmeichhe naupang pawngsual kaihhnawiha dan leh hrai lekkawhna lama sorkar hlawhchham tia adjournment motion an putluhah thusawina a nei a.
Motion chhanletna a siamah Sarma chuan population growth hmer tel ni se chuan crime rate chu a pung hauh lo a ti.
Opposition ten tan lam neia an puh hnuah Sarma chuan chhang letin, “|an lam ka nei ang. Eng nge tih theih in neih? Eng vangin nge Lower Assam atangin Upper Assam-ah mi an kal? A chhan chu Miya Muslim ten Assam thunun an tum vang a ni? Chu chu a thlen kan remti dawn lo” tiin a sawi.
Inhnialna nasa tak awm karah treasury leh opposition benches te chu House Well an pungkhawmin hei vang hian Speaker Biswajit Daimary chuan minute 10 lai House chu a titawp lailawk bawk a ni.
Adjournment motion chu Congress, AIUDF leh CPI(M) bakah Independent legislator Akhil Gogoi te putluh niin State a crime nasa zual zel leh a bik takin hmeichhia te laka hleilenna pung zel sawiho an ngiat a ni.