Tate McRae ‘Greedy’ a lar ber
Tate McRae hla hit ‘Greedy’ chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-a kar hnih a No.1-na a ni. Hetihrual hian Krismas hla lam pawh a rawn lar thar leh ta a, Mariah Carey, leh Wham! te Krismas hla bakah Tyla leh LE SSERAFIM te pawh top 10-ah an lang.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Tate McRae ‘Greedy’ hian kar khat chhungin khawvel huapin stream maktaduai 59.4 leh download sales 4,000 a nei thei a, hei hi a kar hnih nan chart-ah a No.1 pui leh ta a ni.
Jack Harlow hla hit ‘Lovin on Me’ chu No.4 atangin No.2 a kai thar ve ta bawk.
November thla tawp kan kai meuh chuan Krismas hla lam pawh a rawn lar thar leh tan ta a, Mariah Carey Krismas hla chuai thei lo ‘All I Want for Christmas Is You’ chuan stream maktaduai 48.8 leh download sales 4,000 nei theiin, No.17 atangin No.3-ah a invawrh a. Carey hian he hla hi November ni 19-a Billboard Music Awards semnaah a vawi khat nan award show-ah live-in a perform a, he hla avang hian Billboard Chart Achievement Award a dawng bawk.
He hla hi 1994-a tlangzarh daih tawh kha ni mah se Billboard Global 200 chart-ah hian 209, 2020, 2021 leh 2022-ah te khan Krismas vuakvet-ah chart-ah a lo No.1 zak zak tawh a ni.
Chart No.1 hlui Taylor Swift ‘Cruel Summer’ chu No.5 atangin No.4 a kai thar leh a, chart No.1 hlui bawk Jung Kook ‘Standing Next to You’ chu No.2 atangin No.5-ah a tawlh ta bawk.
Wham! Krismas hla hlui ‘Last Christmas’ chu chart top 10-ah a rawn lang ve leh ta a, stream maktaduai 40.4 leh download sales 2,000 tlingin No.26 atangin No.9-ah a invawrh leh ta. He hla hi he chart-ah hian kar ruk (2020,2021 leh 2022-ah) chhung No.2 a lo ni tawh bawk a ni.
Tate McRae ‘Greedy’ a lar ber
Get real time updates directly on you device, subscribe now.