Taylor Swift-i thilpek dawngtu truck driver an lawm

Taylor Swift hian Eras Toura neih meka an bungrua leh mamawh hrang hrang phur kual veltu truck driver te chu bonus doas Tllar 1,00,000 theuh a pe a, truck driver 50 chuang an ni a, driver-te hnena Swift-i bonus sem chi dollar maktaduai 5 chuang daih a ni.
Tichuan, Eras Tour-a concert transportation company an hman Shomotion hotupa Mike Scherkenbach chuan Swift thatna leh thilphalna zar an zo chu lawmawm a tih thu sawiin, “Nun thlak danglam hawk thei tur sum fai thilpek a pe a ni. Heng driver tam tak hi in pawh la nei lo te an ni a, mahse, hetiang sum hlawm lian tham an dawn takah in pawh an lei ve thei tawh ngei ang. Chu chuan min tilawm lehzual a ni. Hetiang thilphalna hi chu a dawngtu tan nun thlak danglamna theihna khawp a ni,” a ti.
Scherkenbach chuan Swift-i thilphalna ropui a tih thu sawiin, “Mi hausa leh neinung tak tak hi kan lo thawhpui ve fo tawh a, chung zingah chuan naia khat pawh sik chhuak duh lo hausa tak tak an tam tih kan hria. Mihausa tawntaw te pawh kan lo thawhpui tawh, mahse, hetiang zat thilpek hi chu kan la dawn ngai reng reng loh thil a ni,” a ti bawk.
Swift hian driver-te hnenah hian sum hi hlan lovin, a ai awhin a pa Scott-a’n a hlan sak a, thilpek dang pawh an la dawng tel a, Taylor Swift kutziak ngei an dawng tel bawk a ni.