Virtual court technology chu ‘tun atanga chatuanin’ a awm tawh dawn tia sawiin Chief Justices of High Courts tena post-pandemic hnua online court hearing titawp te chuan ‘a ngai angin hma an la leh tur a ni’ tiin Chief Justice of India D.Y. Chandrachud chuan a sawi.
-- Advertisement --
Chief Justice chuan High Court Chief Justices thenkhatte public money hmanga technological infrastructure te hnawltute rilru puthmang chuan ‘a ti buai takzet’ tia sawiin, camera leh microphone te thlauthlain lawyers leh litigants te physical a an inlan ngei an phut bur thei lo tiin a sawi bawk.
“Kan buaina chu Chief Justice thenkhatte technologically friendly an awm a, a thente erawhin ngaihdan dang an nei thung. Tute pawh an online theih nan hma ka la thung dawn a ni. Technology hman nuam ka ti thin a, ka ti tawh lo tih te Ka cell phone ka hmang thin a, ka hmang tawh lo tih te chu zawhna a tling lo a ti a. In hman a tha zawk….Virtual court te hi public funds hmanga siam a ni a. High Courts tin Chief Justice te hian an hmang vek tur a nia, hriatthiam an awm bik dawn lo” tiin Chief Justice Chandrachud chuan a sawi bawk.
CJI-in hetianga hriam taka a sawina chhan hi lawyer thenkhat tena High Courts chuan hearing neihnaah camera leh microphone te hman theih loha siamin rorelna that zawk nana infrastructure chhawpchhuah te an hnawl an tih vang a ni a. “High Court-ah hybrid hearing tak kalpui remti rawh” tia lawyer tena an ngen vang a ni.
“He rilru puthmang hian min ti buai hle a ni. Sum tam tak sen a ni a, chung infrastructure te chu virtual hearing neih nana tih a ni a, an hnawl a ni. High Court Chief Justice chuan technology i ngaina emaw ngaina lo emaw engmah i hrethiam lo emaw pawh a ni thei a, mahse, Government of India-in justice a awm theih nana public fund hman tura a chhawp chhuah te a nihna tur taka hmang turin mawhphurhna i nei a ni. Technology hi pandemic lai chauh atan a ni lo, technology te hi nakin zelah pawh, chatuana awm reng tawh tur a ni” tiin Chief Justice Chandrachud, Supreme Court e-committee kaihruaitu chuan a sawi bawk.
Judge thenkhat tena ngaihdan an neih an sawi lawyer te chu anmahni ngei court-ah an inlan tur a ni an tih pawh sawiin, “Hnathawk tura judge kal leh Bar atanga an hnathawh dinhmun inan lohzia i hrethiam tur a ni,” tiin CJI chuan a sawi bawk.
Chief Justice Chandrachud chuan Union Budget chuan Parliamentary Committee in a tum khat nana Supreme Court an tlawhnaah report khauh tak siamin judiciary tena e-court project an kalpui nan tiin Rs 7,000 crore pek an nih thu a sawi bawk a.
“Heng sumte hi mimal hman tur a ni lo, mipuite pawh theih nana hman tur a ni a, grassroot level-a internet intluktlang lo thlen theih nana hman tur a ni. Chief jsutice chuan he mission hi chak taka a kalpui a ngai a. Pawisa sen a nih tawh chuan Chief Justice chuan infrastructure tha a awm ngei tih a tichiang tur a ni,” tiin Chief Justice Chandrachud chuan a sawi bawk.
Three-judge Bench, Justices P.S. Narasimha leh J.B. Paridiwala te pawh telna chuan Bar Council of India chu State Bar Council te hnenah lawyer internet pawh hmang ve thei lo te dinhmun hrefiah turin a ti zui bawk a. E-court project thawh thumna chuan India rama court tinah e-seva kendras a dah vek ang a ti bawk.
“Kawng khatah chuan lawyer top tier an awm a, anni te chu Supreme Court a kan hmuh te an ni a, mahse, pyramid base kan thlir a ngai a. Tute pawh kan huam tel vek a ngai a, technology hian midang hnawl a nei tur a ni lova, huapzo a ni tur a ni,” tiin top judge chuan a sawi bawk.