Revanth Reddy chu Telangana Chief Minister atana lakluh a ni ta a, kum 54-a upa Reddy hian Telangana a Congress sorkar hmasa ber chu a enkawl dawn a. Lakluhna hi Hyderabad-a LB Stadium mi 30,000 chuang lennaah neih a ni.
Reddy sorkar lakluh inkhawma tel tur hian Sonia Gandhi chu a kal vang vang a. Reddy bulah a thu a, chu chuan eng nge pawimawihna a nei em?
Revanth ‘Tiger’ Reddy Sonia Gandhi bula a ding chuan thil pahnih a pholang tia sawi a ni a. Pakhatnaah chuan Gandhi family matriarch thlawpna a hmuhzia a pholang a. Congress a zawm atanga kum ruk lekah Telangana a Congress hotu lu berah hlankai a ni a. Chief Minister ni tura rinkai ber a ni chungin hruaitu lawk pahnih Uttam Kumar Reddy leh Mallu Bhatti Vikramarka te a zuankhum a ngai tho.
An pahnihin Congress veteran ve ve niin party tana kum tam rinawma thawk tawh an ni a. Tun inthlanah pawh Congress chak nana mi pawimawh ni dunin an rinawmna chuan lawmman a hring ngei ang.
Pakhat zawk chu Deputy Chief Minister atan dah a ni a, pakhat minister lawk takah dah niin portfolio tha pek a ni bawk a. Sonia Gandhi in Chief Minister thar a thlawpzia mipui hmaa a lantir chuan chief minister thar tha a tichak bawk ang.
Pahnihnaah chuan Reddy chu Telangana mipuite duhrawn a ni a, Telanagna mipui maktaduai chuang te chu Congress party dahsang lo pawh ni se, Sonia Gandhi ngaisang em em an ni tlat. Reddy chuan Sonia Gandhi thlawpna chu lo mamawh ta lo pawh ni se, Sonia Gandhi thlawpna chuan a tichak nasa dawn a ni.
Kum 2014-a Telangana a pian theih chhan kha kha tihlaia rorel lai Congress leh Sonia Gandhi vang liau liau tia sawi leh ngaih a ni.
Telangana a pian theih nan mimal takin Sonia Gandhi chuan chet lain BJP hotu lawk Venkaiah Naidu pawh thlawp turin a ngen hial a, chu mai a ni lo, Telangana pian duh lo Congress MP paruk lai party atangin a hnawtchhuak bawk a ni.
Congress-te chuan Sonia Gandhi contribution chu Telangana voters te an hrilh nawn hreh ngai lo, kum 2020 pawh khan school syllabus ah telh ni se an ti hial a ni.
“KCR (CM kalchhuak ta K Chandrasekhar Rap ‘father of Telangana’ tihial) hnathawh sawi nawi theih a nih loh ang chiahin Sonia Gandhi hnathawh pawh hai chi a ni lo. School syllabus a KCR hnathawh indah lan chuan Sonia Gandhi contribution pawh in dah ve tur a ni” tiin khatih laia Congress party leader Sravan Dasoju chuan a sawi a ni.
Telangana inthlanah hian seat 119 aawmah Congress ten seat 64 an la a, kum 2014 a State nih atanga rorelna la chang char char BRS te chu an paihthla a ni.
Telangana CM atan Revanth Reddy lalut ta
Get real time updates directly on you device, subscribe now.
Prev Post