Telangana Governor-in banna thehlut

Telangana Governor leh Puducherry Lieutenant Governor ni bawk Tamilisai Soundararajan chuan Thawhtan zing khan banna a thehlut a. Soundararajan hi governor a nih hma chuan Tamil Nadu unit BJP hruaitu lawk niin kum Lok Sabha inthlanah a ding dawn nia ngaih a ni.
Kum 62 a upa Soundararajan hi November 2019 khan Telangana state governor pahnihna atanlakluh niin February 2021 atang khan Lieutenant Governor of Puducherry nihna a chelh zui bawk a. Puducherry a Lok Sabha seat awm chhun tuna Congress tena an chelh mek chu a chuh dawn nia sawi a ni.
BJP te chuan Soundararajan chu Puducherry mipui te nena inzawmna nei tha berah an ngai tia sawi a ni a. Puducherry a a ding dawn lo a nih chuan Tamil Nadu ah seat pathum lai a din theihna tura ruahmansa a awm tih a ni bawk.
Kum 2019 khan Soundararajan hian a lo chuh tawh a, mahse, a chak lo chaing hle thung. Kum 2009 pawh khan Chennai North seat ah a chuh tawh a, khatah pawh khan a chak chuang lo.
Tamil Nadu Assembly ah pawh tum thum chuh tawhin kum 2006, 2011 leh 2016 khan a chuh vek a, a chak lo vek bawk.
Telangana governor a nih laiin Telangana sorkar nen an inbakaih fo bawk.