Thenzawl Zone FA-in minister chawimawi

Nimin khan Thenzawl Zone Football Asso-ciation (TZFA) buatsaih Zone Football Cham-pionship final khelh niin, he mi rual hian Thenzawl pa minister B. Lal-chhanzova chawimawina hun Lothazawl Football Ground, Thenzawlah buatsaih nghal a ni.
He hunah hian khual-lian Revenue and Supply minister B. Lalchhanzova chuan thu sawiin, Then-zawl chu Mizoram mai ni lovin khawvel huapa Zofate khawpui ni tura ruahman mek nia a hriat thu leh Pathianin Zofate khawpui ni tura a din nia a hriat thu sawiin, chu-tiang tur chuan kawng hrang hrang a bikin, khualchhawn chung-changahte inbuatsaih tul a tih thu a sawi.
Minister chuan Then-zawlah international level infiamna chi hrang hrang thlen theihna tur stadium din tha a tih thu leh sports minister pawh a sawipui tawh thu a sawi a, thinlunga tum tak takna chu hlawh-tlinna a ni tih hre renga engkim huama thil tih chu hlawhtlinna a ni tih infiammi, thalaite’n hria se a duh thu a sawi bawk
TZFA buatsaih minis-ter B. Lalchhanzova chawimawina hun hi TZFA Senior Vice Pre-sident Thanglian-chhunga’n kaihruaiin, TZFA President Lian-tluanga Renthlei chuan thu sawiin, Thenzawl chhulchhuak, Lothazawl Football Ground ngeia inkhel thin player B. Lalchhanzova minister a ni thei chu thinlung taka an chhuan thu leh a thawhrimna leh tum-ruhna entawn tlak a tih thu a sawi.
Chhanzova hi TZFA chuan chawimawina thuziak bakah Mizopa chempui an hlan a; Thenzawl Joint MHIP, ZPM Block leh pawl engemawzatte’n minister chawimawina hi an hlan bawk.
Minister hian Then-zawl Zone FA Referee Board buatsaih Referee Exam naa passed mi 11 (sawmpakhat) hnenah Certificate a hlan nghal.
Thenzawl Zone Championship final hi Buangpui Football Club leh Thangzuala Football Club, Thenzawlte’n an khel a ni.