Thir elh kawih nan a lu hmangin record siam

Vispy Kharadi hi ‘Steel Man of India’ tiin a hminglem te pawh an lo phuahsak hial tawh a ni a, tunah chuan ‘Iron Man’ an ti leh tawh. Milan, Italy-a television show ‘Lo Show Dei Record’-ah inlanin, thir tlawn elh kawih nan a hmangin, minute khatah thir tlawn 24 a elh kawi hman a, Guinness World Record a siam.
Thir tlawn elh kawih tur kam ki nan a lu a hmang a, a kut pahnihin a sir tawn tawnah thirtlawn chu vuanin a elh ta a, second 60 chhungin hetiang hian thlir tlawn 24 a elh kawi hman a ni. Thir tlawn a elh kawih tur kamki nana a hman, a chhipah hian a lukhum pan tê bak chu engmah a dah lo.
Vispy hi Krav Maga expert niin, black belt nihna chi hrang hrang a nei bawk, amah hi nutrition leh fitness expert niin, Border Security Forces (BSF)-ah trainer a ni a, Bollywood star Akshay Kumar-a’n a din Surat-a Women Self Defence Center enkawltu a ni bawk.