Thlai pali lei dan tur ruahman

Mizoram State Policy Coordination Committee chu an chairman, chief minister Lalduhoma hoin Ningani khan an thukhawm a. Thlai thar pali thlan chhuah lei dan tur an rel.
Thlai thar leikhawmna tur warehouse neih tawhsa cheithat dan tur, thlai chin tamna hmun azira a thar sak belh leh warehouse behchhana processing unit din theih dan tur an sawi a. Scheme dang nena kalpui dun (convergence) a processing plant din theihte pawh tarlan niin, warehouse te hi rang taka bawhzui nise, an ti.
Thlai thlan bik pali hi kumina mipuiin an chin zat zirchian mek leh thlai hrisel tak an chin theih nana department hmalakna, loneitute hmanraw mamawh awm thei pawh an sawi a. Crop insurance lama hmalakna report a ni bawk. Khaw tina thlai chingtu pawl (society) din dan chungchang sawi a ni a, hemi thuah hian Cooperation department-in a rang lamin thuchhuah siam se an ti.
Thutkhawmah hian minister ho – Lalthansanga, PC Vanlalruata leh Prof F. Lalnilawma bakah adviser to chief m Dr KC Lalmalsawmzauva leh Coordination Committee member dangte an tel a ni.