TikTok khap tumna China-in hua

China chuan US Congress in TikTok khap a nih theih nana hmalakna a kalpui mek chu dik lo a tih thu sawiin bandit chet dan ang mai tiin a sawi.
House of Representatives-in bill a passed tawhah chuan TikTok parent company te chu thlaruk chhung insaseng tur emaw a nih loh chuan app chu khapsak an ni ang, a ti a.
Mahse Senate la paltlang leh tur a ni thung a. Mahse, President Joe Biden chuan Congress a paltlang a nih chuan a hming a ziah hnan tur thu a sawi.
Beijing chuan a duh loh takzet thu sawiin engti kawng pawhin a interest humhim turin hma a lak tur thu a sawi bawk.
TikTok hi Chinese company ByteDance te ta a ni a, Beijing-based firm hi Cayman Islands a in register a ni.
Us lawmmaker te chuan TikTok-ah hian ngaihthatlohna nasa tak an nei hlawm a, American te data chu Chinese te kutah a lut hnem lutuka chu chu national security tan a pawi thei an ti a. TikTok chuan chung puhna te chu a hnawl thung.
Nilaini khan House of Representatives ah bill chu hneh taka passed in a awm a, a duh mi 352 an awm laiin a kalh zawnga vote thlak 65 chauh an awm a ni.
Beijing a press conference a neihnaah Chinese foreign ministry thupuangtu Wang Wenbin chuan he bill hian principles of competition and justice a kalh a ni a ti.
“Miin midangte thil a hmua tha a tih avanga laksak a tum tlat chu bandit logic a ni” tiin Wang chuan a sawi.
Chinese official dang commerce ministry thupuangtu He Yadong pawhin China chuan a legitimate rights leh interests te humhim turin a tul ang zelin hma a la ang tiin a sawi bawk.
House-in a pawm tak Bill hian US Senate a paltlang dawn em tih erawh a chiang lo thung a. Chu mai bakah bill chu vote lak turin chhawpchhuah ni miah lovin tuna status quo anga a awm angin a awm thei bawk.
Republican Donald Trump chuan he bill hi a hma chuan a thlawp chungin tunah erawh a thlawp lo tiin a sawi bawk.
House-in a passed hnuah TikTok CEP Shou Zi Chew chuan he bill hian ‘creators leh small business te ipte atangin dollar billion tel a chhuhsak ang’ tiin a sawi a.
“American hna 300,000 chuang chhuhsakin an awm thei ang” tiin Chew chuan a sawi bawk.
TikTok creators tam tak te pawhin dan chu kaltlangpui a nih chuan an intunnunnain a tawrh nasat an hlauh thu an sawi bawk a.
“Small business te atangin item ka leia ka platform-ah ka tarlang a, ka tilar thin a ni” tiin Ophelia Nichols, Alabama-based creator 12 million follower chuang nei chuan a sawi a. “Small businesses ten an tuar dawn chiang a ni” tiin a sawi bawk.
TikTok hotu Chew chuan user te chu US lawmaker te chetdan dan chu duh lova chet la turin a ti bawk a ni.
TikTok hi China-ah chuan social media platform dang te nen khap a ni thung a. TikTok aiah Chinese user te chuan a anpui tluk Douyin tih chu an hmang thung a, a tul chuan sorkar inrawlh theihna a ni thung.
Hetih lai hian Canada sorkar chuan TikTok-in national security a tibuai thei em tih chu nikum September thla atang khan an zirchian tawh thu a sawi thung a.
Hetih lai hian US Treasury Secretary hlui Steven Mnuchin chuan TikTok lei a nih theih nan investor rual te a huikhawm mek thu a sawi a.
“Sumdawnna ropui tak a ni a, engti kawng mahin Chinese ten US company tena hetiang thil lian tham China-ah neitu nihna an chelh an phal dawn lo,” tiin a sawi.
Canadian businessman Kevin O’Leary chuan TikTok chu lei a hreh dawn lo tiin a sawi a. Kum 2020-a Trump administration in TikTok lei a nih theih nana US company lian ber ber te a tur lai khan a hlutna chu $50 billion vel nia ngaih a ni a.
Microsoft chuan Walmart leh software giant Oracle te nena lei an tum chu dan kaihhnawih eng eng emaw avangin a tlawlh hlauh tawh a ni.
Tunah erawh TikTok chu lar zual zelin a hlutna pawh $268 billion vel lawiha ngaih a ni tawh thung a, a hlutna a pung hle.