TIME 100 Most Influential People list-ah Sakshi Malik a lang

Wrestling Federation of India (WFI) president hlui Brij Bhushan Sharan Singh-a’n Indian wrestler hmeichhiate mipat hmeichhiatna lam hawia mawi lo taka a tihbuai (sexual harassment) chungchanga dodalna lantirtu langsar leh wrestling bika India hmeichhe Olympic medallist awmchhun ni bawk Sakshi Malik chu TIME Magazine-in sexual harassment a dodalna kawnga a thawhhlawk avangin an chawimawi a, an chanchinbuin kum 2024 chhunga khawvela huhang ngah zual mi 100 a thlanchhuahah an telh.
Olympic medallist Indian wrestler Sakshi bakah two-time World Championships bronze medallist Vinesh Phogat leh Tokyo Olympics bronze winner Bajrang Punia-te chu New Delhi-a kawtkai langsar Jantar Mantar-a Singh laka dodalna (protest) lantirtu langsar zingah telin, India hmeichhe wrestler-te chunga mawi lo taka a khawsak avangin WFI president Singh chu bang tura an nawr bakah lung ina tang ngei turin kan hnung deuh khan na taka nawr a ni a, Brij Bhushan Sharan Singh hi BJP MP a nih bawk avang leh mi thiltithei leh huhang ngah tak a nih avangin a hna a\angin a bang duh mai lo a, an puhna pawh a pha fai vek a ni.
A laka protest hi nikum January thla a\ang khan kalpui \an a ni a, kum khat zet an nawr hnuah a bang ve ta chauh a; chu mi hnuah pawh wrestler lungawi lote tana lawmawm vak lo turin Singh-a \hian hnai leh sumdawnpui (business partner) Sanjay Singh chu WFI president atan thlan a la ni zui ta cheu a ni!
Singh lakah pawh chuan charge sheet an thehlut tawh a, heti chung hian an puhnate chu a la pha zui ta zel a ni.
December 22, 2023-a WFI president thar ni tura Sanjay Singh an lakluh ni chiah khan Sakshi chuan wrestling a chawlhsan thu a puang zui ve nghal.
Time magazine lamin 100 Most Influential People list an tihchhuahah hian India a\angin actress Alia Bhatt, Indo-British actor Dev Patel leh Microsoft CEO Satya Nadella an lang ve bawk.