Tlak ngam khawpa thil tha tih ngamin sawrkar tha a siam ang – Lalsawta

wpa thil tha kan tih ngam chuan Mizoramah sawrkar tha kan siam thei tih Congress president Lalsawta chuan a sawi.
Nilainia Congress Bhawan-a inkhawmah Lalsawta chuan, ‘That Loh Theih Lohna Bawm’ lehkhabua a ziak angin, sawrkar tha siam turin an that lai, an theih laia kan siamthat a ngai tih a sawi. Mizoramah tlak ngam thak khawpa thil tha kan tih ngam chuan sawrkar tha kan siam ang, tiin, tlak ngam chu tlakna a ni lo tih pawh hriat a ngai tih a sawi.
“ZPM cuan VUC mitmei ven tur an nei a. Congress party chuan kan mihring puite mitmei niloin, khawi hmunah pawh min hmutu Pathian mitmei kan ven chuan Pathian zarah sawrkar tha kan siam thei ang. Mihring mitmei ven tur nei ngahte hi MLA/ minister atan kan duh lo. Pathian mitmei veng thinte hi Congress party chuan MLA leh minister atana kan duh te an ni,” a ti.
Chhuanthar Baktawng amiten ‘That Loh Theih Lohna Bawm’ an siam thei a; Kohhran Thianghlim pawhin inkhuahkhirhna tha tak neiin ‘That Loh Theih Lohna Bawm’ an siam a. Mihringin an tum chuan tih theih loh a awm loa, a that theih a, sawrkar ber a dik loha mipuiin dik tum tlat chu thil theih loh a ni, tiin MPCC president hian a sawi bawk.
Hun kaihhruaitu MLA Lalrindika Ralte pawhin ‘That Loh Theih Lohna Bawm’ chu Congress rilru a ni a, hemi ang hian tunah hian an kal a, hemi ang hian ram an hruai dawn, tih sawiin, “Hei hi Mizoram mipuiin min hriatpui se ka duh a; kan ngaihtuahna hi thusawiah ni lo, a tak taka kan tih zel hi hmasawnna chu a ni,” a ti.