September 5 – Zirtirtute Ni chu Calvary Comprehensive School, TNT Muanna Vengah pawh hman a ni a. School Education minister Dr Vanlalthlana hoin hman a ni.
Minister chuan Calvary Comprehensive School-ah elementary atanga high school thleng zirna kalpui a ni leh he zirna in atanga matric pass chhuak mi 200 dawn an awmte, University gold medalist hial an chhuak chu chhuanawm a tih thu a sawi a. Infiamna lama state leh national level-a medal thawk chhuak thei an chher chhuakte, mi puitling tak tak leh mahni intodelh thei an chher chhuak chu ropui a tih thu a sawi bawk.
Rawngbawlna thinlung tak tak leh nu leh pa chan changa TNT-a awm naupangte enkawla zirtirna petute hnathawh chu ropui a tih thu sawiin, a rah chhuah duhawm tak hmuh mek zel a ni tih a sawi a ni.
Calvary Comprehensive School hi kum 1998-a bultan niin, middle section bik hi kum 2000 khan permission a hmu a, 2002 khan MBSE affiliation tih a ni a, 2008 khan adhoc aided-ah hlankai a ni. High school hi kum 2009 khan permission hmu in, 2010 khan MBSE affiliation tih a ni.
TNT-ah Zirtirtute Ni hmang
Get real time updates directly on you device, subscribe now.
Prev Post
Next Post