Top-seeded Bopanna-Ebden tla nghal

Top-seeded Indo-Australian pair Rohan Bopanna leh Mathew Ebden tangdun chuan ATP Mutua Madrid Open-ah first round an paltlang zo lo a, an hneh lohte hi rinkai lo hle zawk Sebastian Korda leh Jordan Thompson inkawp an ni.
Reigning Australian Open men’s doubles champion Bopanna leh Ebden kha darkar khat leh minute 17 chhungin American-Australian pair lakah 7-6 (4), 7-5-in an tlawm fel hman.
Bopanna leh Ebden inkawp hi an tluang viau a, nikum khan Indian Wells Masters-a an champion rualin kum 43 mi Indian zawk kha ATP Masters 1000 champion upa ber a ni nghe nghe.
An pahnih tangdun bawk hi season khat chhungin Wimbledon men’s doubles semi-final leh US Open final lut thei an ni.
Kumin kumtir lam khan Bopanna hian Australian Open trophy an lak hlawkpuiin world number one ni thei upaber a lo ni tawh bawk.