Tottenham an buai, an tlawm leh tawh

Thawhleh zana English Premier League khelhah Tottenham Hotspurs an talbuai chhunzawm a, an mualah ngei Newcastle United hneh lovin an tlawm. An mualah an tlawm vangin Tottenham hi 15-na atangin 16-naah an tlahniam a, tlakhniam lam an pan. Tottenham rual hian Uverton pawh an mualah ngei an tlawm ve bawk.
Manager thar Thomas Frank hnuaia hmasawn hleithei lo Tottenham hian an mualah european competition khelh phak tuma tan khawh Newcastle United an mikhual. An mikhual lakah goal thun ve bawk mah se tlawm zawkah an tang tho va, hmasawn lam aiin hniam lam an pan zawk zel rih.
Tottenham leh Newcastle United te hian inkhel hmuhnawm tak an lantir a, goal pawh a lut lawk thei lo. Spurs hian goal thun theihna hun tha neih bwak mah se an chhawr tangkai thei lova, Xavi Simons chuan a hun tha neih a chhawr tangkai thei lo. Newcastle pawhin an hun tha neih an chhawr tangkai thei lo zawn ve bawk mah se, chawlhlawk hmain goal an thun hman tho thung. Newcastle tan hian Malick Thiaw chuan minute 45’+5-naah pui zetin a pet goal a, hmahruaina goal a thun. He goal hmang hian 1-0 a hmahruai chungin chawlhlawk an hmang.
Chawlhlawk hnu lamah Tottenham in an si phurh asut ngei tumin tan an khawh a, Archie Gray chuan minute 64-naah goal thunin an si phurh a sut. An si phurh an sut vangin phur v mah se Tottenham an lawm rei lo. Newcastle tan Jacob Ramsey chuan goal an chhuah atanga minute li hnu lekah hma an hruai nawn lehna goal a thun a. He goal hi Tottenham lakah chakpuiin, point thum hlu tak hmuh nan an hmang zui ta a ni.
Tottenham hian khelh 26 atangin point 29 an hmu thei tawk a, tlahniam thei dinhmuna ding mek West Ham nen an inthlauhna chu point 5 chiah a ni tawh a, an dinhmun a him lo hle. Beiseina sang tak nen Thomas Frank la lut mah se Spurs hian hma lam an pan thei rih lo. Newcastle hian khelh 26 atanga point 36 hmuin 10-na an luah ve thung.
Tottenham rual hian Everton chu an mikhual Bounrmouth lakah an tlawm ve bawk.